[1.12.6] Want sien, die gewig van die paleise daarvan sal die berge vergruis en vir hulle met die valleie gelyk maak, en die woonhuise wil Ek oor die poele en moerasse plaas; en al die gespuis, wat daarin woon, sal deur die fondamente van die woonhuise van die groot stad van God, julle heilige Vader in die hemel en op aarde, in grond en bodem gedruk word.

[1.12.7] En die ware Herder sal Sy skape roep, en hulle sal Sy stem tot in al die uithoeke van die aarde hoor en wel herken en sal bymekaar kom en in vreugde op die wye weiplekke van die ewige Liefde van die heilige Vader wei, wat daar die groot tuine van die nuwe heilige stad van die groot Koning van alle volkere, wat daar was, is en vir ewig sal wees, is.

[1.12.8] En hierdie tuine sal die Paradys wat deur Adam verlore gegaan het, wees, waar Ek die eerste een was wat dit terug gevind het en vir hulle as ‘n ewige woonplek getrou bewaar het.