[10.39.12] Maar Ek sê vir hulle: “Uit die mond van My leerlinge het julle die volle waarheid gehoor, en `n ander, meer uitgebreide waarheid is daar nie; glo dit en handel daarvolgens, so sal julle harte en siele nog breër en hoër verlig word!

[10.39.13] Gaan kyk julle maar net buite by die heidene hoeveel van hulle Ek vanmiddag gesond gemaak het en hoeveel Ek van al hulle lyding bevry het, sodat julle deur die heidene verlig kan word, en nie die heidene deur julle nie! Die lig het weliswaar van die Judeërs uitgegaan - maar die heidene het dit vroeër as die Judeërs gesien en herken; hulle sal die lig daarom ook behou, en die Judeërs sal dit by hulle moet kom haal, as hulle dit wil hê. Gaan julle ook nou dus maar na buite en word deur die heidene verlig!”